ADYM.KZ / Қазақстанда сұйытылған мұнай газын көтерме саудада өткізудің шекті бағасы өзгеріссіз қалды. Тиісті бұйрыққа ҚР Энергетика министрі қол қойды.
Құжатқа сәйкес, 2026 жылғы 1 шілдеден 31 желтоқсанға дейінгі аралықта ішкі нарыққа тауар биржаларынан тыс жеткізілетін сұйытылған мұнай газының көтерме саудадағы шекті өткізу бағасы қосылған құн салығын есептемегенде тоннасына 59 722 теңге көлемінде белгіленді.
Аталған бұйрық 2026 жылғы 1 шілдеден бастап күшіне енді.
Сонымен қатар Қазақстанда сұйытылған мұнай газын ел аумағынан сыртқа шығаруға қойылған тыйым тағы алты айға ұзартылды. Бұл шара ішкі нарықты тұрақты қамтамасыз ету және отын тапшылығына жол бермеу мақсатында қабылданған.
