ADYM.KZ / Қазақстан мен Қытай атом энергетикасы саласындағы ынтымақтастықты жаңа деңгейге көтеруге келісті.
2026 жылғы 16 маусымда Қытай Халық Республикасының Мемлекеттік энергетика істері басқармасының басшысы Ван Хунчжидің Қазақстанға сапары аясында азаматтық ядролық энергетика саласындағы ынтымақтастық жөніндегі Қазақстан–Қытай бірлескен жұмыс тобының алғашқы отырысы өтті.
Кездесуге Қазақстан Республикасы Атом энергиясы жөніндегі агенттігінің төрағасы Алмасадам Сәтқалиев пен Қытай Халық Республикасының Мемлекеттік энергетика істері басқармасының басшысы Ван Хунчжи тең төрағалық етті.
Отырыс барысында тараптар атом энергиясын бейбіт мақсатта пайдалану саласындағы өзара іс-қимылдың өзекті мәселелерін талқылап, ынтымақтастықты одан әрі дамытуға дайын екендерін жеткізді.
Сондай-ақ екі ел өкілдері стратегиялық серіктестікті нығайту үшін үйлестіру жұмыстарын күшейтіп, практикалық өзара іс-қимыл аясын кеңейтудің маңыздылығын атап өтті.
Келіссөздер қорытындысында тараптар қол жеткізілген уағдаластықтарды бекіткен хаттамаға қол қойды. Құжатта атом энергиясын бейбіт мақсатта пайдалану саласындағы ынтымақтастықтың алдағы бағыттары мен бірлескен жұмыстың негізгі басымдықтары айқындалған.
