ADYM.KZ / Алматыдағы Әбілхан Қастеев атындағы Қазақстан Республикасының Ұлттық өнер музейі дәстүрлі «Музей түні — 2026» мәдени акциясын өткізді. Биылғы шараның тақырыбы — «Әлемдер тоғысқан музейлер».
Халықаралық музейлер күні аясында ұйымдастырылған шара барысында көрмелер, перформанстар, шеберлік сабақтары мен интерактивті бағдарламалар ұсынылды. Ұйымдастырушылардың мәліметінше, соңғы жылдары жастардың музейге қызығушылығы айтарлықтай өскен.
UNESCO дерегіне сәйкес, 2025 жылы іске қосылған ұрланған мәдени мұралардың виртуалды музейі 205 мыңнан астам қолданушы жинаған. Сарапшылар цифрлық технологиялар музей саласының дамуына жаңа серпін бергенін айтады.
