ADYM.KZ / 2026 жылы Алматыда халықаралық деңгейдегі ірі мәдени фестивальдер мен концерттер өткізу жоспарланып отыр. Алматы қаласы әкімдігінің мәліметінше, биыл қалада IV халықаралық “Almaty Puppet Festival”, заманауи өнер көрмелері, әдеби форумдар және театр фестивальдері ұйымдастырылады.
Мәдениет саласы мамандарының айтуынша, соңғы жылдары Алматының мәдени туризм әлеуеті айтарлықтай артқан. Қалада жыл сайын жүздеген мәдени шара өтіп, оған шетелдік шығармашылық ұжымдар қатысуда. Әсіресе жастар арасында театр, көрме және open-air форматындағы фестивальдерге қызығушылық күшейген.
Сарапшылардың пікірінше, мұндай жобалар Қазақстанның мәдени имиджін халықаралық деңгейде нығайтып, шығармашылық индустрияның экономикалық үлесін арттыруға мүмкіндік береді.
