ADYM.KZ / Қазақстанда еңбек нарығындағы жағдай тұрақты сақталып отыр. Ұлттық статистика бюросының дерегі бойынша, 2026 жылдың І тоқсанында жұмыссыздық деңгейі 4,6% болды. Елдегі жұмыс күші саны 9,8 млн адамнан асты.
Қазіргі таңда экономикада 9,3 млн-нан астам адам жұмыспен қамтылған. Оның 77,6%-ы жалдамалы қызметкерлер болса, 22,4%-ы өзін-өзі жұмыспен қамтығандар. Ең көп жұмыс істейтін салалар қатарында сауда, білім беру, өнеркәсіп және ауыл шаруашылығы бар.
Сарапшылардың пікірінше, жұмыссыздық деңгейінің төмен болуы еңбек нарығындағы белсенділіктің сақталғанын көрсетеді. Алайда IT, инженерия және логистика салаларында білікті кадр тапшылығы әлі де өзекті мәселе болып отыр.
