ADYM.KZ / Иорданияның Амман қаласында дзюдодан жастар арасындағы Азия чемпионаты басталды. Жарыстың алғашқы күнінде Қазақстан құрамасы 8 жүлде жеңіп алып, сәтті өнер көрсетті.
Қазақстан дзюдо федерациясының мәліметінше, отандық балуандар алғашқы жарыс күнін 3 алтын, 3 күміс және 2 қола медальмен қорытындылады.
Азия чемпиондарының қатарына 66 келіге дейінгі салмақта өнер көрсеткен Ролан Қайырғали, 48 келіге дейінгі салмақта Айнара Сейітжанова және 52 келіге дейінгі салмақта Нұрбала Зайнул қосылды.
Күміс жүлдені Ерасыл Ержанов (66 келіге дейін), Мұхамедали Закиров (73 келіге дейін) және Дамеля Асылханова (63 келіге дейін) иеленді.
Ал Айзат Наукенова (48 келіге дейін) мен Айдана Абиханова (63 келіге дейін) қола медальға қол жеткізді.
Осылайша, Қазақстан жастар құрамасы құрлықтық біріншіліктің алғашқы күнін сегіз жүлдемен аяқтап, жалпыкомандалық есепте жоғары нәтижеге қол жеткізді.
