ADYM.KZ / VI Дүниежүзілік көшпенділер ойындарында Астана қаласының спортшысы Биғали Зкрияев мангала жарысының ерлер арасындағы командалық сынында алтын медаль жеңіп алды. Бұл туралы Астана қаласының әкімдігі хабарлады.
Мангала жарысына 48 елден 105 спортшы қатысып жатыр. Оның ішінде 56 ер және 49 әйел спортшы жекелей және командалық сайыстарда бақ сынауда.
Қазір мангала бойынша жекелей жарыстар өтіп жатыр. Оның қорытынды нәтижелері 6 қыркүйекте белгілі болады.
Әйелдер арасындағы жарыста Астананың атынан Гүлнәр Базаралиева мен Құндыз Есіркеп өнер көрсетіп жатыр.
Айта кетейік, VI Дүниежүзілік көшпенділер ойындарында Қазақстан құрамасы жалпы есепте 25 алтын медальмен көш бастап келеді.
Бұған қоса, бүгін қазақстандық спортшылар 300 шақырымдық ат жарысында да үздік нәтиже көрсетті.
