ADYM.KZ / Қазақстан құрамасы Оңтүстік Кореяның Чхунчхон қаласында өткен таеквондодан командалық әлем кубогында екінші жүлдесіне қол жеткізді.
Аралас командалар арасындағы қола жүлде үшін өткен кездесуде қазақстандық спортшылар Таиланд құрамасын 2:1 есебімен жеңіп, турнирдің қола медалін иеленді.
Қазақстан Ұлттық олимпиадалық комитетінің мәліметінше, ел намысын бұл сайыста Аружан Найманбаева, Аида Таукенова, Абдурахмон Марипов, Ануар Мұхаметкәрімов және Батырхан Кусетов қорғады.
Осылайша, Қазақстан құрамасы әлем кубогын екі медальмен аяқтады. Бұған дейін ерлер құрамасы финалға дейін жетіп, күміс жүлдеге ие болған еді.
Еске салайық, бұған дейін Будапештте өткен күрестен рейтингтік турнирде де қазақстандық спортшылар ел қоржынына екі медаль салған болатын.
