ADYM.KZ / Қазақстан қор биржасында (KASE) шетел валюталары бойынша 16 шілдедегі күндізгі сауда-саттық қорытындысы жарияланды. Нәтижесінде АҚШ долларының орташа сараланған бағамы 472,34 теңгені құрап, алдыңғы сауда күнімен салыстырғанда 1,81 теңгеге өсті.
Айта кетейік, ҚР Ұлттық банкінің 16 шілдеге белгілеген ресми доллар бағамы – 469,71 теңге.
Kurs.kz мәліметіне сәйкес, Астанадағы айырбастау пункттерінде доллар 468,99 теңгеден сатып алынып, 476,04 теңгеден сатылып жатыр. Еуроның бағамы 536,00–546,00 теңге аралығында болса, Ресей рублі 5,60–5,90 теңгеден саудалануда.
Алматыдағы айырбастау орындарында долларды сатып алу бағамы – 470,92 теңге, сату бағамы – 473,22 теңге. Еуро 539,78–545,29 теңге аралығында ұсынылса, рубль 5,70–5,85 теңге аралығында айырбасталып жатыр.
Шымкентте доллар 471,33 теңгеден сатып алынып, 473,37 теңгеден сатылуда. Еуроның бағамы 537,62–543,38 теңге, ал рубль 5,75–5,82 теңге аралығында қалыптасты.
Еске салсақ, 15 шілдедегі күндізгі сауда қорытындысында АҚШ долларының орташа бағамы 469,71 теңгені құрап, бір күнде 0,77 теңгеге қымбаттаған болатын.
