ADYM.KZ / Колумбияның Кали қаласында өтіп жатқан ауыр атлетикадан жасөспірімдер арасындағы әлем чемпионатында қазақстандық Нұржан Жұмабай алтын медаль жеңіп алды.
Отандасымыз 88 келіге дейінгі салмақ дәрежесінде өнер көрсетіп, қоссайыс қорытындысы бойынша 348 келіні (155+193) бағындырды. Сонымен қатар, серпе көтеру жаттығуында әлем рекордын жаңартып, жарыстың басты жетістіктерінің біріне қол жеткізді.
Күміс жүлдені Испания өкілі Эрик Гуадамуд 344 келі (156+188) нәтижемен иеленсе, Мексика спортшысы Хосе Мантилья 335 келімен (151+184) қола медальға қол жеткізді.
Еске сала кетейік,бұған дейін осы әлем чемпионатында тағы бір қазақстандық ауыр атлет Ернұр Мырзахмет қола жүлдеге ие болған еді.
