ADYM.KZ / «Әділет» партиясының төрағасы Айбек Дәдебай партияның III кезектен тыс съезін шақыру туралы қаулыға қол қойды.
Құжатқа сәйкес, партияның кезектен тыс съезі 2026 жылғы 10 шілдеде Астана қаласында өтеді.
Қазіргі уақытта съезге дайындық жұмыстары жүргізіліп жатыр. Іс-шараға партия делегаттары, өңірлік филиалдардың өкілдері, басшылық органдарының мүшелері және өзге де шақырылған қонақтар қатысады деп жоспарланған.
Айта кетейік, бұған дейін «Әділет» партиясы алдағы Құрылтай сайлауына қатысты өз ұстанымын жариялап, арнайы мәлімдеме жасаған болатын. Алдағы съезде партияның саяси күн тәртібіне қатысты бірқатар маңызды мәселелердің қаралуы күтіледі.
