ADYM.KZ / 2026 жылдың қаңтар–сәуір айларының қорытындысы бойынша Қазақстанның сыртқы сауда айналымы 44,9 млрд долларды құрады. Бұл өткен жылдың сәйкес кезеңімен салыстырғанда 7,9 пайызға жоғары.
Ұлттық статистика бюросының мәліметіне сәйкес, есепті кезеңде ел экспорты 24 млрд доллар, ал импорт көлемі 20,9 млрд доллар болған.
Қазақстанға тауар жеткізетін негізгі бес мемлекет:
- Ресей – 6,6 млрд доллар;
- Қытай – 6 млрд доллар;
- Германия – 1 млрд доллар;
- АҚШ – 0,9 млрд доллар;
- Оңтүстік Корея – 0,5 млрд доллар.
Ал қазақстандық экспорттың басты бағыттары:
- Қытай – 4,9 млрд доллар;
- Италия – 4 млрд доллар;
- Ресей – 2 млрд доллар;
- Түркия – 1,7 млрд доллар;
- Өзбекстан – 1,4 млрд доллар.
Осылайша, Қытай Қазақстанның әрі ірі импорттық серіктестерінің, әрі экспорттық нарықтарының бірі болып отыр.
Бұған дейін Қазақстан мен Түрікменстан екіжақты сауда айналымын 1 млрд долларға жеткізуді жоспарлап отырғаны хабарланған болатын. Сондай-ақ Қазақстан мен Өзбекстан арасындағы тауар айналымы 2,2 млрд доллардан асқаны мәлім болды.
