ADYM.KZ / 2026 жылғы 4 шілдеде Жерде күшті магниттік дауыл басталып, оның қарқындылығы G3.33 деңгейіне жетті. Бұл – жыл басынан бері тіркелген қуаты жағынан екінші ірі геомагниттік құбылыс.
Мамандардың мәліметінше, магниттік дауыл күтілген уақыттан шамамен бір тәулік кеш басталған. Күннен тараған плазма ағыны Жерге бұған дейін жеткенімен, планетаның магнит өрісі ұзақ уақыт бойы оның әсеріне төтеп берген.
Ресейдің Күн астрономиясы зертханасының ғалымдары түн ортасына қарай күн желінің жылдамдығы күрт артқанын және планетааралық магнит өрісінің бағыты өзгергенін хабарлады. Соның салдарынан геомагниттік дауыл басталып, бастапқыда G3 деңгейінде болған белсенділік кейін G3.33 деңгейіне дейін күшейді.
Осылайша, аталған құбылыс 2026 жылғы ең күшті магниттік дауылдардың біріне айналды. Бұдан жоғары көрсеткіш тек 19–21 қаңтар аралығында тіркеліп, сол кезде геомагниттік белсенділік G4.67 деңгейіне жеткен болатын.
Ғалымдардың айтуынша, қазіргі уақытта Күн бетінде ірі дақтар топтары байқалғанымен, әзірге олар аса қуатты күн жарқылдарын тудырған жоқ. Дегенмен мамандар Күн белсенділігін бақылауды жалғастырып жатыр.
