ADYM.KZ / Аргентина құрамасының капитаны Лионель Месси 2026 жылғы әлем чемпионатының 1/16 финалында Кабо-Вердеге қарсы өткен матчтың (3:2) үздік ойыншысы атанды.
39 жастағы шабуылшы аталған кездесуде тағы да мергендігімен көзге түсіп, турнирдегі гол санын жетеуге жеткізді. Осылайша, Месси 2026 жылғы әлем чемпионатының үздік сұрмергендері тізімінде көш бастап келеді.
Бомбардирлер жарысында одан кейін Франция құрамасының шабуылшысы Килиан Мбаппе алты голмен екінші орында тұр. Ал Англия капитаны Гарри Кейн мен Норвегия құрамасының шабуылшысы Эрлинг Холанд бес голдан соққан.
Сонымен қатар Лионель Месси әлем чемпионаттарындағы гол соғу сериясын сегіз матчқа дейін ұзартты. Бұл көрсеткішке 2022 жылы Катарда өткен әлем чемпионатындағы төрт ойын және 2026 жылғы мундиальдағы төрт кездесу кіреді.
Осылайша, аргентиналық футболшы әлем чемпионаттары тарихында сегіз матч қатарынан гол соққан алғашқы ойыншы атанып, жаңа тарихи рекорд орнатты.
