Киберспорт әлемінде үлкен сенсация орын алды. Esports Foundation (EF) қауымдастығы 2026 жылғы Киберспорттан Әлем кубогы (Esports World Cup) Франция астанасы Париж қаласында өтетінін ресми түрде жариялады, деп хабарлайды Adym.kz ақпараттық сайты.
Бұл аталмыш турнирдің Сауд Арабиясынан (Рияд) тыс аймақта, яғни Еуропа құрлығында тұңғыш рет ұйымдастырылуы. Ұйымдастырушылардың айтуынша, бұл қадам киберспортты жаһандық деңгейде дамыту және халықаралық аудиторияны кеңейту стратегиясының бір бөлігі. Париж соңғы жылдары ірі спорттық оқиғалардың орталығына айналғандықтан, бұл таңдау логикалық тұрғыдан өте сәтті деп танылды.
2026 жылдың 6 шілдесі мен 23 тамызы аралығында 75 миллион АҚШ долларынан асатын қаржылай жүлде (бұл киберспорт тарихындағы ең ірі рекордтық көрсеткіштердің бірі) сарапқа салынады.
Аталған жарысқа 100-ден астам елден 200-ден астам кәсіби клуб пен 2000-нан астам ойыншы спорттың 24 түрі (дисциплинасы) бойынша бақ сынайды.
