Халықаралық футбол федерациясы (FIFA) биылғы Әлем чемпионатының финалдық матчын тек спорттық оқиға емес, планета тарихындағы ең ірі медиа-шоуға айналдыруды жоспарлап отыр, деп хабарлайды Adym.kz ақпараттық сайты FIFA Mediaға сілтеме жасап.
АҚШ-тың Нью-Джерси штатындағы «МетЛайф» стадионында өтетін финалдық ойынның үзілісінде (half-time show) әлемдік поп-музыканың алыптары өнер көрсетеді.
Ресми ақпаратқа сәйкес, ФИФА америкалық Super Bowl форматын негізге ала отырып, үзіліс кезінде Шакира (Shakira), Мадонна (Madonna) және оңтүстіккореялық BTS тобының қатысуымен грандиозды концерт ұйымдастырады.
Жобаның мақсаты футбол аудиториясын сән, поп-мәдениет және шоу-бизнес әлемімен тоғыстыру арқылы трансляция көрермендерінің санын рекордтық 4 миллиардқа жеткізу.
Сондай-ақ турнирдің бас серіктестері (соның ішінде PepsiCo) Нью-Йорк, Париж және Осло көшелерінде үлкен фан-фестивалдер дайындап жатыр.
Спорт сарапшыларының пікірінше, бұл қадам футболды тек ойын емес, шоу-бизнестің ең табысты индустриясына айналдырудың жаңа трендін бастап бермек.
