ADYM.KZ / Ел Үкіметі Милан мен Кортина-д’Ампеццода өткен 2026 жылғы XXV қысқы Олимпиада ойындарының қорытындысы бойынша спортшылар мен олардың жаттықтырушыларына ақшалай сыйақы төлеу туралы қаулы қабылдады.
Үкіметтің мәліметінше, бұл мақсатқа резервтен 250 миллион теңгеден астам қаражат бөлінген.
Қаулыға сәйкес, қысқы Олимпиада ойындарының күміс жүлдегері, мәнерлеп сырғанаушы Михаил Шайдоровқа 250 мың АҚШ доллары көлемінде сыйақы тағайындалды.
Ал Олимпиадада үздік алты спортшының қатарына енген конькимен жүгіруші Надежда Морозова 5 мың АҚШ доллары көлемінде ақшалай марапат алады.
Сондай-ақ мемлекеттік сыйақылар спортшылардың алғашқы, жеке және бас жаттықтырушыларына да төленеді. Жалпы алғанда, төлемдерді екі спортшы мен бес жаттықтырушы алады.
Бұдан бөлек, қолданыстағы заңнамаға сәйкес, олимпиадашыларға жергілікті атқарушы органдар тарапынан қосымша қолдау көрсетіледі. Атап айтқанда, әкімдіктер Олимпиада жүлдегерлерін коммуналдық тұрғын үй қорынан берілетін тегін пәтерлермен қамтамасыз етеді.
Осылайша, қысқы Олимпиадада жоғары нәтиже көрсеткен қазақстандық спортшылар мен олардың бапкерлері мемлекет тарапынан қаржылай және әлеуметтік қолдауға ие болады.
