ADYM.KZ / Жалпыұлттық социал-демократиялық партия (ЖСДП) Астанада өткен кезектен тыс XXV съезінде Қазақстан Республикасы Құрылтайы сайлауына қатысатын кандидаттардың партиялық тізімін бекітті.
Партия төрағасы Асхат Рахымжановтың айтуынша, тізімге өңірлік филиалдардың жетекшілері, Парламент Мәжілісінің депутаттары, жастар және әйелдер қанатының өкілдері, сарапшылар, үкіметтік емес ұйым мүшелері мен қоғам белсенділері енгізілген.
«Бүгін біз халықтың сенімін ақтайтын азаматтарды ұсынуымыз керек. Бұл тізімдегі адамдар – жай ғана есімдер емес. Олар Қазақстандағы социал-демократиялық идеялардың өміршеңдігін нақты істерімен дәлелдеген азаматтар», – деді партия төрағасы.
Оның сөзінше, кандидаттар елдің барлық өңірінен іріктелген және әртүрлі салада еңбек етіп жүрген азаматтар. Олар өңірлерде халықпен тікелей жұмыс істеп, қоғамдық қызметте тәжірибе жинақтаған.
ЖСДП бекіткен партиялық тізімге барлығы 33 кандидат енді. Олардың қатарында облыстық және қалалық филиалдардың басшылары, VIII сайланған Мәжіліс депутаттары, партияның жастар және әйелдер қанатының өкілдері, сарапшылар мен азаматтық сектор мүшелері бар.
Партияның мәліметінше, кандидаттар саяси, қоғамдық және әлеуметтік салаларда тәжірибесі бар, түрлі өңірдің мүддесін таныта алатын азаматтардан жасақталған.
ЖСДП-ның Құрылтай сайлауына кандидаттар тізімі:
Анаргүл Әбенова – Батыс Қазақстан облыстық филиалының төрайымы.
Аружан Әленова – Ақтөбе облыстық филиалы төрағасының міндетін атқарушы.
Ару Алшынбай – Ақмола облыстық филиалы әйелдер қанатының жетекшісі.
Максим Андрюшин – партия төрағасының кеңесшісі.
Арман Ақылбай – партия мүшесі.
Нұрлан Аубакиров – Қарағанды облыстық филиалының төрағасы.
Раушан Аубакирова – елордалық филиалдың әйелдер қанатының жетекшісі.
Нұрлан Әуесбаев – ЖСДП президиумының мүшесі, VIII сайланған Мәжіліс депутаты.
Еркін Әбдиев – Жамбыл облыстық филиалы жастар қанатының жетекшісі.
Қамбар Байекенов – Алматы облыстық филиалының мүшесі.
Сапарбай Бұғабаев – Түркістан облыстық филиалының төрағасы.
Ержан Дәуренбеков – Жамбыл облыстық филиалының төрағасы.
Дамир Жақанов – Қостанай облыстық филиалының төрағасы.
Роза Жүсіпова – Павлодар облыстық филиалының төрайымы.
Нұрлан Жабаев – ЖСДП Орталық аппаратының атқарушы хатшысы.
Ілияс Жанғали – Ақмола облыстық филиалының төрағасы.
Виктор Калгин – Шығыс Қазақстан облыстық филиалының төрағасы.
Нұрайнаш Камалова – Атырау облыстық филиалының төрайымы.
Аслан Құлмағамбетов – ЖСДП елордалық филиалының сарапшысы.
Анар Құсайынова – партия мүшесі.
Лариса Ли – PANA партиялық жобасының жетекшісі.
Жасұлан Мұқаманов – Жетісу облыстық филиалының төрағасы.
Сәкен Мыңбаев – Маңғыстау облыстық филиалы төрағасының міндетін атқарушы.
Мақсұт Насибулов – ЖСДП Орталық аппаратының басшысы, жастар қанатының төрағасы.
Нұрия Балтабайқызы – AUTISM KAZAKHSTAN ұлттық қауымдастығының төрайымы.
Қуандық Нұржау – Шымкент қалалық филиалы төрағасының міндетін атқарушы.
Нұрым Нұрлыбеков – Алматы облыстық филиалының төрағасы.
Асхат Рахымжанов – ЖСДП төрағасы, VIII сайланған Мәжіліс депутаты.
Ажар Сағандықова – ЖСДП президиумының мүшесі, әйелдер қанатының жетекшісі, VIII сайланған Мәжіліс депутаты.
Наурыз Сайлаубай – ЖСДП президиумының мүшесі, VIII сайланған Мәжіліс депутаты.
Тазабек Самбетбай – партия төрағасының идеология жөніндегі орынбасары.
Рүстем Сарманов – Абай облыстық филиалының төрағасы.
Талғат Тәтиков – елордалық филиалдың тұрғын үй-коммуналдық шаруашылық және МИБ мәселелері жөніндегі сарапшысы.
Еске салайық, бұған дейін ЖСДП Құрылтай сайлауына арналған сайлауалды бағдарламасын таныстырған болатын.
