ADYM.KZ / Мәдениет және ақпарат министрлігі фильмдерді прокатқа шығаруға дейінгі сараптамадан өткізу қағидаларын бекітті.
Ведомствоның мәліметінше, жаңа талаптар Мемлекет басшысының Бурабайда өткен Ұлттық құрылтайда берген тапсырмасы аясында әзірленген. Осыған байланысты «Кинематография туралы» заңға енгізілген өзгерістерге Президент 2026 жылғы 18 ақпанда қол қойған. Заң нормалары 2026 жылғы 16 маусымнан бастап күшіне енді.
Жаңа тетік киноөнімдердің қолданыстағы заңнама талаптарына сәйкестігін қамтамасыз етуге және кинопрокат жүйесін жетілдіруге бағытталған.
Қағидаларға сәйкес, прокат алдындағы сараптама барысында фильмдерде Қазақстан заңнамасында тыйым салынған материалдардың бар-жоғы тексеріледі. Сараптама нәтижелері прокат куәлігін беру немесе беруден бас тарту туралы шешім қабылдау кезінде ескеріледі.
Сараптама комиссиясының құрамына кинематография, денсаулық сақтау, білім және ғылым, құқық салаларының мамандары, сондай-ақ өзге де сарапшылар енгізілген.
Министрліктің атап өтуінше, жаңа тәртіп киноиндустриядағы құқықтық талаптардың сақталуын күшейтіп, көрермендерге ұсынылатын контенттің сапасы мен қауіпсіздігін қамтамасыз етуге мүмкіндік береді.
Толық мәлімет алу сілтемедегі ресми сайтқа өтуге болады.
