ADYM.KZ / Қазақстан құрамасы Түркияның Анталья қаласында өтіп жатқан садақ атудан Әлем кубогы кезеңінде сәтті өнер көрсетіп, әйелдер арасындағы командалық жарыста жетінші орынға ие болды.
Блокты садақ атудан өткен бәсекеде ел намысын Виктория Лян, Диана Юнусова және Адель Жексенбинова қорғады.
Қазақстандық спортшылар алғашқы айналымда Қытайлық Тайбэй құрамасын 231:229 есебімен жеңіп, ширек финалға жолдама алды. Алайда келесі кезеңде Мексика командасына 226:234 есебімен есе жіберді. Кейін мексикалық мергендер финалға дейін жетті.
Нәтижесінде Қазақстан құрамасы жарысты жетінші орынмен аяқтап, әлемнің үздік командалары қатарынан көрінді.
Әйелдер арасындағы қола медаль үшін өткен кездесуде Германия құрамасы АҚШ спортшыларын жеңді. Ал алтын жүлде үшін 13 маусымда Мексика мен Түркия құрамалары бақ сынасады.
Ерлер арасындағы командалық жарыста Қазақстан сапында Ақбаралы Қарабаев, Мұса Ділмұхамет және Андрей Тютюн өнер көрсетті.
Қазақстандық спортшылар алғашқы кезеңде Мексика құрамасына 232:235 есебімен жол берді. Кейін Мексика командасы Үндістан құрамасын жеңіп, қола жүлдеге қол жеткізді. Ерлер арасындағы финалда Қытай мен Дания құрамалары кездеседі.
