Футболдан 2026 жылғы Әлем чемпионаты (FIFA World Cup 2026™) 2026 жылдың 11 маусымы мен 19 шілдесі аралығында АҚШ, Канада және Мексика елдерінде өтеді. Тарихта тұңғыш рет 48 құрама бақ сынайтын бұл аламан додада жалпы саны 104 матч ойналады.
Қазақстандық футбол жанкүйерлері үшін керемет жаңалық дүбірлі жарыстың барлық ойындарын «Qazaqstan» және «Qazsport» телеарналары тікелей эфирде көрсетеді. Сондай-ақ, жанкүйерлер кездесулерді qazaqstan.tv, qazsporttv.kz сайттары мен «Qazaqstan.tv» мобильді қосымшасы арқылы онлайн тамашалай алады.
Турнир кезеңдерінің негізгі күнтізбесі
Топтық кезең: 11 маусым – 27 маусым
1/16 финал: 28 маусым – 3 шілде
1/8 финал: 4 шілде – 7 шілде
Ширек финал (1/4): 9 шілде – 11 шілде
Жартылай финал (1/2): 14 шілде – 15 шілде
3-орын үшін матч: 18 шілде (Майами)
Финал: 19 шілде (Нью-Йорк, «Метлайф» стадионы)
Ашылу матчы 11 маусымда Мехикомен қатар Торонтода басталып, алғашқы турда Мексика мен Оңтүстік Африка, сондай-ақ Канада мен Босния және Герцеговина құрамалары кездеседі.
Ойын кестесін төменнен жүктеп ала аласыздар.
