ADYM.KZ / Қостанай облысының мамандандырылған ауданаралық экономикалық соты YouTube желісіндегі жарнамасында өзін «интернет сапасы мен қамтуы бойынша көшбасшы» деп жариялаған ұялы байланыс операторына қатысты істі қарады. Сот бұл мәліметтің ешқандай объективті дәлелдермен расталмағанын және тұтынушыларды жаңылыстыратынын анықтады.Соттың жеке ұйғарымынан кейін Бәсекелестікті қорғау және дамыту агенттігі компания іс-әрекетінен жосықсыз бәсекелестік белгілерін тапты. Қазіргі уақытта операторға заң бұзушылықты жою туралы ресми хабарлама жіберіліп, роликті таратуды тоқтату және мәліметті теріске шығару міндеттелді.
