AI News
  • Басты бет
  • Саясат
  • Қоғам
  • Аймақ
  • Мәдениет
  • Сараптама
  • Спорт
  • Технология
  • Экономика
Табылмады
Барлығын көру
AI News
  • Басты бет
  • Саясат
  • Қоғам
  • Аймақ
  • Мәдениет
  • Сараптама
  • Спорт
  • Технология
  • Экономика
Табылмады
Барлығын көру
AI News
Табылмады
Барлығын көру

Шымкентте бірінші курс студенттеріне қаржылық қауіпсіздік мәселелері түсіндірілді

21.09.2026
Санаты: Аймақ
Шымкентте бірінші курс студенттеріне қаржылық қауіпсіздік мәселелері түсіндірілді

ADYM.KZ / Шымкент қаласындағы тоғыз жоғары оқу орнында бірінші курс студенттеріне арналған «Қаржылық қауіпсіздік» тақырыбында бір мезетте профилактикалық кездесулер өтті. «Заң мен тәртіп» қағидаты аясында ұйымдастырылған іс-шаралардың негізгі мақсаты – жоғары оқу орнына енді қадам басқан жастардың қаржылық сауаттылығын арттырып, оларды интернет-алаяқтық, дропперлік, қаржылық пирамидалар және заңсыз табыс ұсынатын күмәнді схемалардан сақтандыру.

Жаңа ортаға бейімделіп, өз бетінше қаржылық шешім қабылдай бастаған студенттер үшін бұл мәселенің маңызы ерекше. Өйткені жоғары оқу орнына түскеннен кейін жастар банк карталарын белсенді пайдаланып, онлайн сауда жасайды, ақша аударымдарын жүзеге асырады, жұмыс іздейді және инвестициялық өнімдерге қызығушылық таныта бастайды. Осы кезеңде қаржылық операциялардың қауіпсіздік талаптарын білу маңызды.

Түсіндіру жұмыстарын Шымкент қаласының Жастар ресурстық орталығы мен Шымкент қаласы бойынша Экономикалық тергеп-тексеру департаментінің мамандары бірлесіп ұйымдастырды.

Кездесу барысында қазіргі кезде кең тараған қаржылық құқық бұзушылықтар мен алаяқтық схемалар туралы ақпарат берілді. Соның ішінде жастарды оңай табыс табуға шақыру арқылы заңсыз қаржылық операцияларға тарту мәселесіне ерекше назар аударылды.

Мамандар дропперлік ұғымына жеке тоқталып, өз банк шотын, картасын немесе басқа да қаржылық құралдарын үшінші тұлғаларға берудің қауіпті екенін түсіндірді. Мұндай жағдайда адамның банк шоты немесе картасы заңсыз ақша аударымдарын жүргізу үшін пайдаланылуы мүмкін.

Сондықтан студенттерге банк картасын, шот деректерін, интернет-банкингке кіру мәліметтерін, құпиясөздер мен басқа да қаржылық ақпаратты бөгде адамдарға бермеу қажеттігі ескертілді.

Мамандар жастарды әлеуметтік желілердегі «оңай ақша табу», «жоғары табысқа кепілдік», «тәуекелсіз инвестиция» секілді ұсыныстарға сын көзбен қарауға шақырды. Күмәнді ұсыныстың шарттарын тексермей ақша аудару немесе жеке қаржылық деректерді ұсыну елеулі қауіпке әкелуі мүмкін.

Кездесуде қаржылық пирамидалардың жұмыс істеу тәсілдері де талқыланды. Студенттерге күмәнді инвестициялық жобалардың негізгі белгілеріне назар аудару қажеттігі айтылды.

Атап айтқанда, нарықтағы қалыпты қаржылық құралдарға қарағанда шамадан тыс жоғары немесе қысқа мерзімде кепілдендірілген табыс ұсыну, жаңа қатысушылар тартуға басымдық беру, жобаның нақты қызметі мен табыс көзінің түсініксіз болуы қаржылық тәуекелдің белгісі болуы мүмкін.

Мамандар жастарға кез келген қаржылық ұсынысты қабылдамас бұрын оның заңдылығын, ұйым туралы ақпаратты және ұсыныстың нақты шарттарын тексеруге кеңес берді.

Іс-шара барысында сөз алған Шымкент қаласы бойынша Экономикалық тергеп-тексеру департаментінің ресми өкілі Аружан Әлжан жастардың құқықтық және қаржылық сауаттылығын арттырудың маңызына тоқталды.

– Жастар өз құқықтарын білуі керек, сонымен қатар өзгенің құқығын құрметтеуі қажет. Қазіргі заманғы алаяқтық түрлерінен, дропперліктен, қаржылық пирамидалардан аулақ болған жөн. Ол үшін жастар қаржылық тұрғыдан сауатты әрі жан-жақты болуы керек, – деді Аружан Әлжан.

Оның айтуынша, мұндай түсіндіру кездесулерін бір апта бойы өткізу жоспарланған. Нәтижесінде шамамен 18 мың бірінші курс студентін қамту көзделіп отыр.

Шымкентте жастардың құқықтық және цифрлық қауіпсіздігін арттыру бағытындағы түсіндіру жұмыстары бұған дейін де жүргізіліп келеді. Қаладағы жоғары оқу орындарында студенттерге интернет-алаяқтық, киберқауіпсіздік және дропперлікке тартылу тәуекелдері бойынша кездесулер ұйымдастырылуда.

Кездесу тек дәріс форматымен шектелмей, ашық диалог түрінде өтті. Студенттер мамандарға өздерін толғандырған сұрақтарын қойып, нақты жауаптар алды.

Әсіресе интернет арқылы жұмысқа орналасу кезінде кездесетін күмәнді ұсыныстар, банк картасын қауіпсіз пайдалану, инвестициялық жобалардың сенімділігін тексеру, әлеуметтік желілердегі жарнамалардың шынайылығын анықтау және күмәнді ақша аударымдарына қатысты мәселелер талқыланды.

Мамандар жастарға қаржылық қауіпсіздік ең алдымен жеке жауапкершіліктен басталатынын түсіндірді. Банк картасы мен шот деректерін бөгдеге бермеу, күмәнді сілтемелерге өтпеу, белгісіз адамдардың қаржылық ұсыныстарына сенбеу және кез келген операцияның заңдылығын алдын ала тексеру – алаяқтық тәуекелін төмендетудің негізгі шараларының бірі.

Қаржылық сауаттылықты ерте қалыптастыру жастардың жеке қаражатын дұрыс басқаруына ғана емес, заңсыз қаржылық схемаларға кездейсоқ немесе қасақана араласудың алдын алуға да мүмкіндік береді.

Ілмек: ЖастарҚаржылық қауіпсіздікШымкент
SummarizeБөлісу234

Оқи отырыңыз

Шымкенттегі Мұхтар Әуезов атындағы Оңтүстік Қазақстан зерттеу университетіне «Ұлттық» мәртебе беріледі

Шымкенттегі Мұхтар Әуезов атындағы Оңтүстік Қазақстан зерттеу университетіне «Ұлттық» мәртебе беріледі

Автор: adym
19.11.2026
0

ADYM.KZ / Қазақстан Республикасының Президенті Қасым-Жомарт Кемелұлы Тоқаев Астана қаласында өткен Стратегиялық серіктестердің III халықаралық форумында Мұхтар Әуезов атындағы Оңтүстік Қазақстан зерттеу университетіне «Ұлттық» мәртебе беру туралы шешім...

Арбатта ұлттық мәдениет пен бірлік мерекесі «ДОСТЫҚ» этнофестивалі өтеді

Арбатта ұлттық мәдениет пен бірлік мерекесі «ДОСТЫҚ» этнофестивалі өтеді

Автор: adym
19.11.2026
0

"Құрметті қала тұрғындары мен қонақтары! Қазақстан Республикасы Тәуелсіздігінің 35 жылдығы аясында 2026 жылғы 28 қарашада сағат 12:00-де Арбат алаңында ұлттық мәдениет пен этносаралық достықты дәріптеуге арналған «ДОСТЫҚ» этнофестивалі...

Шымкентте Мәдениет және өнер ұлттық университеті ашылады

Шымкентте Мәдениет және өнер ұлттық университеті ашылады

Автор: adym
18.11.2026
0

Мемлекет басшысының тапсырмасына сәйкес Шымкент қаласында Мәдениет және өнер ұлттық университеті құрылады. Қазақстан Республикасының Премьер-Министрі Олжас Бектенов жаңа жоғары оқу орнын ашу туралы Үкімет қаулысына қол қойды. Университет...

ХАЛЫҚАРАЛЫҚ СТУДЕНТТЕР КҮНІНЕ ОРАЙ БЕЛСЕНДІ ЖАСТАР МАРАПАТТАЛДЫ

ХАЛЫҚАРАЛЫҚ СТУДЕНТТЕР КҮНІНЕ ОРАЙ БЕЛСЕНДІ ЖАСТАР МАРАПАТТАЛДЫ

Автор: adym
17.11.2026
0

Бүгін қаладағы Жастар Ресурстық орталығында Халықаралық студенттер күніне орай мерекелік іс-шара ұйымдастырылды. Жастардың басын қосқан тағылымды жиынның басты мақсаты – білім мен қоғамдық өмірде белсенділік танытып жүрген өрендердің...

Келесі
Финансовая безопасность: Молодежь не должна поддаваться на уловки мошенников

Финансовая безопасность: Молодежь не должна поддаваться на уловки мошенников

Ұсынамыз

Ресейде Roblox сервисіне қойылған тыйым алынды

Ресейде Roblox сервисіне қойылған тыйым алынды

11.06.2026
По поручению Президента: В Шымкенте открыли новую транспортную развязку

По поручению Президента: В Шымкенте открыли новую транспортную развязку

12.10.2026

Көп оқылған

  • В Шымкенте началось строительство 50-километровой объездной дороги

    В Шымкенте началось строительство 50-километровой объездной дороги

    595 бөлісу
    Бөлісу 238 Tweet 149
  • Президент тапсырмасы аясында Баянауылда заманауи визит-орталық пайдалануға берілді

    594 бөлісу
    Бөлісу 238 Tweet 149
  • АРНАУЛЫ ӘЛЕУМЕТТІК ҚЫЗМЕТ ОРТАЛЫҚТАРЫ КӨБЕЙЕДІ

    590 бөлісу
    Бөлісу 236 Tweet 148
  • Қазақстан мен Қытай серіктестікті жаңа бағытта дамытпақ

    588 бөлісу
    Бөлісу 235 Tweet 147
  • Шымкентте экологиялық қауіпсіздік бойынша 9 айдың қорытындысы шығарылды

    588 бөлісу
    Бөлісу 235 Tweet 147
Adym.kz

Adym.kz — еліміздің саяси, әлеуметтік, экономикалық және мәдени өміріндегі маңызды жаңалықтарды жедел әрі шынайы тарататын ақпараттық-сараптамалық платформа.

  • Байланыс
  • Біз туралы
  • Жарнама

© 2026 Adym.kz - Ақпараттық сайты.

Welcome Back!

Login to your account below

Forgotten Password?

Retrieve your password

Please enter your username or email address to reset your password.

Log In
Табылмады
Барлығын көру
  • Жаңалықтар
  • Аймақ
  • Қоғам
  • Мәдениет
  • Сараптама
  • Саясат
  • Спорт
  • Технология
  • Экономика

© 2026 Adym.kz - Ақпараттық сайты.