Қазақстан Республикасы Президенті Қасым-Жомарт Тоқаев Бірінші шақырылымдағы Қазақстан Республикасы Құрылтайының бірінші сессиясын шақыру туралы Жарлыққа қол қойды, деп хабарлайды Adym.kz ақпараттық сайты Ақордаға сілтеме жасап.
Мемлекет басшысының Жарлығына сәйкес, Қазақстан Республикасы Конституциясының 58-бабының 2-тармағы негізінде Бірінші шақырылымдағы Қазақстан Республикасы Құрылтайының бірінші сессиясы 2026 жылғы 28 тамызда сағат 11:00-де Астана қаласында шақырылады.
Осылайша, еліміздің қоғамдық-саяси өміріндегі жаңа институт – Қазақстан Республикасы Құрылтайының бірінші шақырылымы өз жұмысын бастайды.
Жарлыққа 2026 жылғы 26 тамызда қол қойылды және құжат қол қойылған күнінен бастап қолданысқа енгізіледі.
Құрылтайдың алғашқы сессиясында жаңа өкілді органның алдағы қызметіне қатысты маңызды ұйымдастырушылық және өзге де мәселелер қаралады деп күтіледі.
Қазақстан Республикасы Президентінің Жарлығы №1411 болып тіркелді.
