ADYM.KZ / Испанияның футболдан ұлттық құрамасы 2026 жылғы әлем чемпионатындағы жеңісі үшін алған сыйақысынан шамамен 15 млн АҚШ доллары көлемінде салық төлейді. Бұл туралы Fox News хабарлады.
Басылым мәліметінше, салық мөлшері команданың жалпы жүлде қорының шамамен 30 пайызын құрайды.
Әдетте FIFA әлем чемпионатын өткізетін елдермен және ұлттық футбол федерацияларымен жүлде қаржысын салықтан босату мәселесі бойынша алдын ала келісімдер жасайды. Алайда бұл жолы мұндай жеңілдіктер толық қолданылмаған.
АҚШ салық органдары Испания құрамасының ойыншыларын біртұтас команда ретінде емес, АҚШ аумағында табыс тапқан жеке тұлғалар ретінде қарастырған. Осыған байланысты футболшыларға берілген сыйақыға салық есептелген.
Айта кетейік, 2026 жылғы футболдан әлем чемпионаты АҚШ, Канада және Мексика аумағында 11 маусым мен 19 шілде аралығында өтті. Турнир финалында Испания құрамасы Аргентинаны 1:0 есебімен жеңіп, 2010 жылдан кейін екінші рет әлем чемпионы атанды.
