ADYM.KZ / Таиландтың Бангкок қаласында өткен жас санатындағы жүзуден Азия чемпионаты аяқталды. Қазақстан құрамасы құрлық біріншілігін 16 медальмен қорытындылады. Бұл туралы Спортты дамыту дирекциясының баспасөз қызметі хабарлады.
Жарыстың соңғы күнінде қазақстандық Анатолий Руденко 50 метрге брасс әдісімен жүзуде жеңіске жетіп, ел қоржынына алтын медаль салды. Осылайша оның құрметіне Қазақстанның Мемлекеттік әнұраны шырқалды.
Сондай-ақ Александр Мироничев 50 метрге еркін стильде жүзуден күміс жүлдеге ие болды. Ал Данил Чужинов 400 метрге кешенді жүзуде мәреге үшінші болып келіп, қола медаль жеңіп алды.
Бұдан бөлек, Қазақстан құрамасы аралас эстафетада (микст) күміс жүлдеге қол жеткізді.
Жалпы, қазақстандық жүзушілер Азия чемпионатын 6 алтын, 7 күміс және 3 қола, барлығы 16 медальмен аяқтады.
