ADYM.KZ / Италияның Терамо қаласында өткен Interamnia World Cup 2026 халықаралық гандбол турнирінде Қазақстанның ерлер құрамасы чемпион атанды. Бұл туралы ҚР Туризм және спорт министрлігі Спортты дамыту дирекциясының баспасөз қызметі хабарлады.
Қазақстан құрамасы турнирдің топтық кезеңінде бес матч өткізіп, барлығында жеңіске жетті. Отандастарымыз Польша құрамасын – 29:14, Бельгияны – 28:21, Оңтүстік Африка Республикасын – 27:11, Италияны – 24:11 және Ливияны – 20:17 есебімен ұтты.
Жартылай финалда қазақстандық гандболшылар Италия құрамасымен қайта кездесіп, 23:13 есебімен айқын басымдық танытты.
Финалда Қазақстан құрамасы Ливия командасын 28:23 есебімен жеңіп, Interamnia World Cup 2026 турнирінің алтын жүлдесін иеленді.
Айта кетейік, 2026 жылғы гандболдан әлем чемпионатының финалында Испания мен Аргентина құрамалары кездеседі. Шешуші матч Қазақстан уақыты бойынша 19 шілдеден 20 шілдеге қараған түні өтеді.
