ADYM.KZ / Enbek.kz электрондық еңбек биржасында азаматтарға жұмыс табуға көмектесетін жаңа сервис – Цифрлық жұмыспен қамту қызметі іске қосылды.
Жаңа жүйе жасанды интеллект технологиялары арқылы пайдаланушының білімі, жұмыс тәжірибесі, кәсіби дағдылары мен мансаптық қызығушылықтарын талдап, оған сәйкес келетін бос жұмыс орындарын ұсынады.
Сонымен қатар Мансаптық профиль қызметі азаматтарға кәсіби даму бағытын анықтауға, жұмысқа орналасу сұхбатына дайындалуға және еңбек жолындағы жетістіктерін бақылауға мүмкіндік береді.
Еңбек және халықты әлеуметтік қорғау министрлігінің мәліметінше, қазір сервис Павлодар облысында жұмыс істеп жатыр. Жақын уақытта Маңғыстау облысында іске қосылып, кейін Қазақстанның барлық өңірі тұрғындарына қолжетімді болады.
Айта кетейік, 2026 жылдың басынан бері Enbek.kz платформасында 495,7 мың бос жұмыс орны мен 609,3 мың түйіндеме жарияланған.
Оның ішінде 2026 жылғы мамыр айында жұмыс берушілер Электрондық еңбек биржасына 86,7 мың бос жұмыс орнын орналастырса, жұмыс іздеушілер 91,6 мың түйіндеме ұсынған.
