ADYM.KZ / Францияның Шамони қаласында спорттық құзға өрмелеуден Әлем кубогының кезекті кезеңі аяқталды.
Жарысқа қатысқан қазақстандық спортшылар «жылдамдық» бағдарламасы бойынша өнер көрсетті.
Ерлер арасындағы бәсекеде Қазақстан құрамасының ең үздік нәтижесін Дамир Тоқтаров көрсетті. Ол жарысты 13-орынмен аяқтады. Ришат Хайбуллин 14-орынға, Әмір Маймұратов 26-орынға тұрақтады. Ал Рашид Хайбуллин 35-орын, Әлішер Мұрат 50-орын иеленді.
Әйелдер арасында Тамара Улжабаева 35-орыннан көрінсе, Анна Баларшина 42-орын, Арина Новицкая 50-орынға жайғасты.
Осылайша қазақстандық құзға өрмелеушілер халықаралық додада ел намысын қорғап, Әлем кубогы кезеңіндегі бәсекеде тәжірибе жинады.
