АҚШ, Канада және Мексика жасыл алаңдарында өтетін Футболдан 2026 жылғы Әлем чемпионатына санаулы күндер қалғанда халықаралық БАҚ-тар басты фавориттердің дайындығын қызу талқылауда.
Нидерланды құрамасы мен «Интер» клубының қорғаушысы Дензел Думфрис ФИФА-ға берген ресми сұхбатында команданың тек бас жүлде үшін баратынын мәлімдеді, деп мәлімдейді Adym.kz ақпараттық сайты FIFA ресми сайтына сілтеме беріп.
Думфрис өз сөзінде Катардағы (2022) Әлем чемпионатында Аргентинадан пенальти сериясы бойынша жеңілген сәт үлкен сабақ болғанын және ол ызаның қазір командаға қосымша мотивация беріп отырғанын жеткізді. Капитан Вирджил ван Дейктің көшбасшылығы мен құраманың ішкі бірлігіне тоқталған ол: «Біздің мақсатымыз жай ғана жақсы өнер көрсету емес, әлем чемпионы атану», — деп кесіп айтты.
Нидерланды құрамасы футбол тарихында үш рет Әлем чемпионатының финалына шығып (1974, 1978, 2010), үшеуінде де есе жіберген. Спорт сарапшылары биылғы «қызғылт сарылардың» құрамын соңғы онжылдықтағы ең теңгерімді әрі қауіпті ұжым деп бағалап отыр.
