ADYM.KZ / Қазақстандық ауыр атлет Ернұр Мырзахмет Колумбияның Кали қаласында өтіп жатқан жасөспірімдер арасындағы әлем чемпионатында қола медаль жеңіп алды.
Отандасымыз 79 келіге дейінгі салмақ дәрежесінде бақ сынап, қоссайыс қорытындысы бойынша 304 келіні (142+162) бағындырды. Бұл нәтиже оған әлем чемпионатының қола жүлдесін сыйлады.
Алтын медальді мысырлық Мохамед Абдельради 318 келі (143+175) нәтижемен жеңіп алса, Ливия өкілі Абдулрауф Халифа 305 келі (137+168) көрсеткішпен күміс жүлдеге ие болды.
Осылайша, Ернұр Мырзахмет Қазақстан құрамасының қоржынына жасөспірімдер арасындағы әлем чемпионатындағы кезекті жүлдені салды.
