ADYM.KZ / Президент Қасым-Жомарт Тоқаев 2026 жылғы 22 шілдеде бірқатар дипломатиялық кадрлық тағайындаулар мен қызметтен босату туралы жарлықтарға қол қойды.
Мемлекет басшысының шешімімен Ералы Тоғжанов Қазақстан Республикасының Өзбекстан Республикасындағы Төтенше және Өкілетті Елшісі болып тағайындалды.
Сондай-ақ Әлібек Бақаев Қазақстанның Ұлыбритания және Солтүстік Ирландия Құрама Корольдігіндегі Төтенше және Өкілетті Елшісі қызметіне тағайындалды. Осыған байланысты ол бұрын атқарған лауазымынан босатылды.
Ал Амангелді Саинов Қазақстан Республикасының Румыниядағы Төтенше және Өкілетті Елшісі қызметіне кірісті.
Сонымен қатар Президенттің жарлықтарымен:
Бейбіт Атамқұлов Қазақстанның Өзбекстандағы Төтенше және Өкілетті Елшісі қызметінен;
Ерлік Әли Қазақстанның Румыниядағы Төтенше және Өкілетті Елшісі қызметінен босатылды.
Еске түсірсек,бұған дейін Қасым-Жомарт Тоқаев Қазақстанның Қырғызстандағы жаңа елшісін қабылдап, екіжақты ынтымақтастықты одан әрі дамыту бағытында бірқатар міндет жүктеген болатын.
