Қазақстан мен Еуропалық Одақ геосаяси өзгерістер аясында ең қауіпсіз әрі жылдам сауда жолы саналып отырған Транскаспий халықаралық көлік маршрутын (Орта дәліз) дамыту бойынша келіссөздерді жаңа деңгейге шығарды, деп хабарлайды Adym.kz ақпараттық сайты.
Еуропалық қайта құру және даму банкі (ЕҚДБ) Ақтау портындағы айлақтарды жаңғырту жобасын қаржыландыруды бастады.
«Самұрық-Қазына» қоры мамыр айында дәліздің басты буыны саналатын «Алтынкөл-Жетіген» теміржол учаскесін жаңартуды аяқтады. Еліміз бойынша 3 000 шақырым теміржол желісі модернизациядан өтуде.
Сарапшылардың болжамы бойынша, Қазақстан аумағы арқылы өтетін халықаралық транзит көлемі биылғы жылы 54 миллион тоннаға жетеді. Бұл еліміздің Еуразия құрлығындағы басты транзиттік хаб ретіндегі рөлін бекіте түспек.
