ADYM.KZ / Қазақстан құрамасы Қытайдың Ордос қаласында өтіп жатқан жеңіл атлетикадан жастар арасындағы Азия чемпионатында бір күміс және екі қола медаль жеңіп алды. Бұл туралы Ұлттық олимпиадалық комитеттің баспасөз қызметі хабарлады.
Жарыстың жетісайыс бағдарламасында өнер көрсеткен Алина Чистякова күміс жүлдеге ие болды.
Сондай-ақ әйелдер құрамасы 4×100 метрге эстафеталық жүгіруде үздік үштікті түйіндеді. Қола жүлдеге Анна Шумило, Екатерина Пузырева, Татьяна Но және Дарья Гридасовадан құралған команда қол жеткізді.
Қазақстандық спортшылар 4×400 метрлік эстафетада да қола медаль жеңіп алды. Бұл жарыста ел намысын Анна Шумило, Анастасия Цвиркунова, Екатерина Колода және Мария Шувалова қорғады.
Осылайша, Қазақстан құрамасы жастар арасындағы құрлық біріншілігіндегі жүлделер қорын бір күміс және екі қола медальмен толықтырды.
