ADYM.KZ / Қазақстандық балуан Еркебұлан Анапия грек-рим күресінен Таиландтың Паттайя қаласында өтіп жатқан 20 жасқа дейінгілер (U20) арасындағы Азия чемпионатының финалына шықты.
82 келіге дейінгі салмақ дәрежесінің жартылай финалында қазақстандық спортшы тәжікстандық Мұхаммад Сұлтонзодамен кездесіп, 13:3 есебімен айқын жеңіске жетті.
Енді Еркебұлан Анапия чемпиондық атақ үшін финалда Иран өкілі Алиреза Мохаммад Хоссейнимен белдеседі.
Ал 60 келіге дейінгі салмақта Алпамыс Болатұлы қола жүлде үшін Жапония балуаны Юсукэ Хиротамен күш сынасады.
67 келіге дейінгі салмақта Досбол Шамиль Үндістан өкілі Ануджбен үшінші орынға таласады.
Сондай-ақ 97 келіге дейінгі салмақта Максим Украинцев Қытай спортшысы Синью Люмен қола жүлдені сарапқа салады.
