ADYM.KZ / Футболдан 2026 жылғы әлем чемпионатында тарихи жетістік тіркелді. Турнир тарихында алғаш рет Африка құрлығының тоғыз құрамасы бірдей плей-офф кезеңіне жолдама алды.
Топтық кезең қорытындысы бойынша Алжир, Кабо-Верде, Конго Демократиялық Республикасы, Мысыр, Гана, Кот-д’Ивуар, Марокко, Сенегал және Оңтүстік Африка Республикасы (ОАР) жарыстың келесі кезеңіне өтті.
Ал топтық кезеңнен аса алмаған жалғыз африкалық құрама – Тунис болды. Команда F тобында өткізген үш кездесудің барлығында жеңіліп, бірде-бір ұпай жинай алмады.
Плей-оффқа шыққан тоғыз құраманың бесеуі бұл жетістікке өз тарихында алғаш рет қол жеткізді. Атап айтқанда, Конго Демократиялық Республикасы, Кот-д’Ивуар, Мысыр, Оңтүстік Африка Республикасы және Кабо-Верде алғаш рет әлем чемпионатының шешуші кезеңінде бақ сынамақ. Ал Кабо-Верде құрамасы өз тарихында тұңғыш рет әлем чемпионатының финалдық кезеңіне қатысып отыр.
Еске сала кетейік, 2026 жылғы футболдан әлем чемпионаты 11 маусым мен 19 шілде аралығында АҚШ, Канада және Мексикада өтіп жатыр. Турнирдің қазіргі чемпионы – Аргентина құрамасы.
