ADYM.KZ / «Болашақ» халықаралық стипендиясы мен «Ғылыми тағылымдамалар» бағдарламаларының жаңа иегерлері анықталды.
Шетелде кадрлар даярлау жөніндегі Республикалық комиссияның шешімімен Қазақстанның 184 азаматына «Болашақ» халықаралық стипендиясы тағайындалды. Бұл туралы «Халықаралық бағдарламалар орталығы» АҚ хабарлады.
Стипендия иегерлерінің 137-сі магистратура бағдарламалары бойынша, 10-ы докторантура бағытында білім алуға мүмкіндік алды. Сондай-ақ 37 маман кәсіби тағылымдамадан өтеді.
Бұдан бөлек, 51 қазақстандық әлемнің жетекші ғылыми-зерттеу орталықтарында ғылыми тағылымдамадан өту құқығына ие болды.
Республикалық комиссия отырысында «Болашақ» бағдарламасы аясында бакалавр дәрежесін алуға үміткерлерге арналған халықаралық олимпиадалар, ғылыми жобалар байқаулары және орындаушылар конкурстарының тізімі кеңейтілді. Тізімге бірқатар жаңа халықаралық орындаушылар конкурстары енгізілді.
Сонымен қатар, отырыс барысында бағдарламаның тиімділігін арттыруға және оны одан әрі жетілдіруге бағытталған бірқатар мәселелер қаралды.
«Болашақ» халықаралық стипендиясы мен «Ғылыми тағылымдамалар» бағдарламасы иегерлерінің толық тізімін төмендегі сілтемеге өтіп көре аласыздар. «Болашақ»
