ADYM.KZ / Астанада 26 маусым күні Қазақстан Республикасы Парламенті Палаталарының бірлескен отырысы өтеді. Мәжіліс төрағасы Ерлан Қошанов Парламент Палаталарының бірлескен отырысын шақыру туралы өкімге қол қойды.
Өкімге сәйкес, бірлескен отырыс 2026 жылғы 26 маусымда сағат 10:00-де Астана қаласында өтеді. Құжат Қазақстан Республикасы Конституциясының 58-бабы 4-тармағының 2) тармақшасына сәйкес қабылданған.
Әзірге отырыстың күн тәртібі жарияланған жоқ. Қаралатын мәселелер туралы ақпарат кейінірек белгілі болады.
Парламент Палаталарының бірлескен отырысында әдетте мемлекеттік маңызы бар заңнамалық және саяси мәселелер талқыланып, маңызды шешімдер қабылданады.
