ADYM.KZ / Президент Қасым-Жомарт Тоқаев Дүниежүзілік көшпенділер ойындарының барысын жіті бақылап отыр. Бұл туралы Президенттің кеңесшісі — Баспасөз хатшысы Айбек Смадияров мәлімдеді.
Мемлекет басшысы Туризм және спорт министрі Ербол Мырзабосынов арқылы Қазақстан құрамасына ізгі тілегін жолдап, спортшыларға жарыста сәттілік пен жеңіс тіледі. Сондай-ақ бапкерлер мен чемпиондарға ризашылығын білдіріп, ұлттық құраманың табысына үлес қосқан азаматтардың еңбегі еленетінін атап өтті.
Айта кетейік, 31 тамызда Қасым-Жомарт Тоқаев Дүниежүзілік көшпенділер ойындарының ашылу салтанатына қатысты.
Бүгінде Қазақстан құрамасы 25 алтын медальмен жалпыкомандалық есепте көш бастап тұр. Сонымен қатар қазақстандық спортшылар 300 шақырымдық ат жарысында үздік нәтиже көрсетті.
