ADYM.KZ / Лаос Президенті Тхонглун Сисулит Қазақстанға ресми сапармен келді. Астанада Лаос басшысын ресми қарсы алу рәсімі өтті.
Мәртебелі мейман Тәуелсіздік сарайына келіп, оның құрметіне Қазақстанның Құрмет қарауылы сап түзеді. Рәсім барысында Қазақстан мен Лаостың мемлекеттік әнұрандары орындалды.
Тхонглун Сисулит Қазақстанға ресми сапары аясында Мемлекет басшысы Қасым-Жомарт Тоқаевпен келіссөздер өткізеді.
Кездесу барысында екіжақты саяси диалогты нығайту, сауда-экономикалық ынтымақтастықты кеңейту, көлік және логистика салаларындағы байланыстарды дамыту, сондай-ақ өзара ықпалдастықтың басқа да бағыттары талқыланады деп күтілуде.
Лаос Президенті Астанаға Шанхай ынтымақтастық ұйымының саммитіне қатысқаннан кейін келіп отыр. Бұған дейін Тхонглун Сисулит Бішкекте өткен ШЫҰ саммитіне қатысты.
Қазақстан мен Лаос арасындағы дипломатиялық қатынас 1997 жылы орнаған. Содан бері екі ел түрлі салаларда өзара байланыстарды дамытуға басымдық беріп келеді.
Қазіргі ресми сапар Қазақстан мен Лаос арасындағы саяси диалогты одан әрі жандандырып, сауда-экономикалық және көлік-логистикалық ынтымақтастықты кеңейтуге жаңа мүмкіндік бермек.
