ADYM.KZ / Қазақстан Президенті Қасым-Жомарт Тоқаев Франция Президенті Эмманюэль Макронға ұлттық мереке – Бастилияны алу күніне орай құттықтау жеделхатын жолдады. Бұл туралы Ақорданың баспасөз қызметі хабарлады.
Мемлекет басшысы өз құттықтауында Бастилияны алу күні француз халқының бірлігі мен еркіндік, теңдік қағидаттарына адалдығын айшықтайтын маңызды мереке екенін атап өтті.
Қасым-Жомарт Тоқаев Қазақстанның Франциямен стратегиялық серіктестікті одан әрі нығайтуға ерекше мән беретінін жеткізді. Сондай-ақ екі ел арасындағы сан салалы ынтымақтастықтың тұрақты дамуына жоғары баға беріп, қазақ-француз байланыстарының кеңеюіне Эмманюэль Макронның қосқан үлесін атап өтті.
Жеделхат соңында Президент Франция көшбасшысына жауапты мемлекеттік қызметінде табыс, ал француз халқына бейбітшілік, бақ-береке және өсіп-өркендеу тіледі.
