ADYM.KZ / Президент Қасым-Жомарт Тоқаев Черногорияның Мемлекеттілік күніне орай осы елдің Президенті Яков Милатовичке құттықтау жеделхатын жолдады. Бұл туралы Ақорданың баспасөз қызметі хабарлады.
Мемлекет басшысы өз құттықтауында Қазақстан мен Черногория арасындағы достық пен өзара құрметке негізделген көпжылдық ынтымақтастықтың маңызын атап өтті.
Сондай-ақ жеделхатта Яков Милатовичтің жуырда Астанаға жасаған ресми сапары екіжақты қарым-қатынастарды жаңа деңгейге көтерген маңызды оқиға болғаны айтылған. Президенттің айтуынша, бұл сапар сауда-экономикалық, инвестициялық және басқа да өзара қызығушылық тудыратын салалардағы ынтымақтастықты кеңейтуге тың серпін берді.
Қасым-Жомарт Тоқаев Черногория Президентіне жауапты мемлекеттік қызметінде табыс тілеп, ал достас Черногория халқына бейбітшілік, өсіп-өркендеу және бақ-береке тіледі.
