Әлемдік назар мұнай бағасына ауып тұрған сәтте, Астана мен Ташкентте Батыс елдерінің жоғары лауазымды дипломаттары мен трансұлттық корпорациялардың жабық кездесулері жиіледі. Саяси лоббизмнің басты тақырыбы — литий, кобальт, уран және рений кен орындарын игеруге эксклюзивті құқық алу. Бұл туралы Adym.kz инсайдерлік дереккөздері мәлімдейді.
ЕО елдері Қазақстанға «жасыл энергияға көшуді қолдау» мақсатында гранттар ұсына отырып, есесіне еліміздің шығысы мен оңтүстігіндегі сирек металдар зауыттарының акцияларын сұрауда.
Пекин бұл әрекеттерге жауап ретінде Орталық Азиядан шығатын шикізатты өңдеу технологияларына эмбарго қою тетіктерін іске қосатынын айтып, Сауда министрліктеріне бейресми ескертулер жолдаған.
Қазақстан билігі шикізатты жай ғана сатып жібермей, ел ішінде батареялар мен микрочиптер шығаратын бірлескен зауыттар салуды талап етіп, Батыс пен Шығысты қатар саудаласу үстінде ұстап отыр.
