ADYM.KZ / Әлем чемпионатының 1/8 финалындағы кезекті ойындардан кейін ширек финалдың екінші жұбы белгілі болды. 5 шілдеден 6 шілдеге қараған түні Норвегия мен Англия құрамалары келесі кезеңге жолдама алды.
Норвегия құрамасы Бразилияны 2:1 есебімен жеңді. Кездесудің басты қаһарманы Эрлинг Холанд болды. Ол 79 және 90-минуттарда екі мәрте мергендік танытып, командасына жеңіс сыйлады. Бразилия сапындағы жалғыз голды Неймар пенальтиден соқты.
Ал Англия құрамасы Мексиканы 3:2 есебімен тізе бүктірді. Тартысты өткен кездесуде төреші екі пенальти белгілеп, бір ойыншыға қызыл қағаз көрсетті.
Осылайша, әлем чемпионатының ширек финалында Норвегия мен Англия өзара кездеседі. Матч 12 шілдеде Қазақстан уақытымен сағат 02:00-де басталады.
Ал 6 шілдеден 7 шілдеге қараған түні 1/8 финалдың тағы екі кездесуі өтеді. Португалия құрамасы Испаниямен, ал Бельгия АҚШ-пен жартылай финал жолдамасын сарапқа салады.
Еске салайық, бұған дейін француздық L’Équipe басылымы Франция – Парагвай матчын басқарған өзбекстандық төреші Ильгиз Танташевтің жұмысына 10 балдың 1-ін ғана берген болатын.
