ADYM.KZ / Мемлекет басшысы Қасым-Жомарт Тоқаев Қазақстанның Тұңғыш Президенті Нұрсұлтан Назарбаевты туған күнімен құттықтады. Бұл туралы Ақорданың баспасөз қызметі хабарлады.
Президент құттықтауында Нұрсұлтан Назарбаевтың заманауи қазақ мемлекеттілігінің негізін қалау, Қазақстан Республикасын қалыптастыру, елдің экономикалық әлеуетін нығайту және халықаралық аренадағы беделін арттыру жолындағы тарихи рөлін атап өтті.
Сонымен қатар Қасым-Жомарт Тоқаев елорданы Сарыарқа төріне көшіру туралы шешімнің ел дамуы үшін айрықша маңызға ие болғанына назар аударды.
«Елорданың Сарыарқа төсіне көшірілуі Қазақстанның жан-жақты өркендеуіне тың серпін берді. Бүгінде Астана қарыштап дамып, әлемдегі көрікті шаһарлардың біріне айналып келеді», – делінген құттықтау мәтінінде.
Мемлекет басшысы Нұрсұлтан Назарбаевқа мықты денсаулық, ұзақ ғұмыр және бақ-береке тіледі.
Еске салайық, бұған дейін Ақорданың баспасөз қызметі Қасым-Жомарт Тоқаевтың Астана күніне арналған құттықтауын жариялаған болатын.
