Мемлекет басшысы Қасым-Жомарт Тоқаев «Қазақстан Республикасы Құрылтайының сайлауын тағайындау туралы» Жарлыққа қол қойды, деп хабарлайды Adym.kz ақпараттық сайты Ақорда сайтына сілтеме жасап.
Жарлыққа сәйкес, Қазақстан Республикасы Құрылтайы депутаттарының сайлауы 2026 жылғы 23 тамызға белгіленді.
Президент құжатта Қазақстан Республикасының Орталық сайлау комиссиясына сайлауға дайындық пен оны өткізуді ұйымдастыруды тапсырды.
Сонымен қатар Үкіметке, Астана қаласының, облыстардың және республикалық маңызы бар қалалардың әкімдеріне сайлауды ұйымдастырушылық, материалдық-техникалық және қаржылық тұрғыдан қамтамасыз ету үшін барлық қажетті шараларды жедел қабылдау міндеті жүктелді.
Жарлық ресми жарияланған күнінен бастап қолданысқа енгізілді.
