Еліміздің жетекші саяси ұйымы «AMANAT» партиясының Төрағасы Ерлан Қошанов партияның кезекті XXVI Съезін шақыру туралы ресми Қаулыға қол қойды. Бұл туралы Adym.kz ақпараттық сайты партияның баспасөз қызметіне сілтеме жасап хабарлайды.Ауқымды саяси іс-шара 2026 жылғы 12 маусымда Астана қаласында өтеді деп жоспарлануда. Жауапты ведомство өкілдерінің мәлімдеуінше, бұл жолғы алқалы жиынға еліміздің барлық 17 облысы мен республикалық маңызы бар Астана, Алматы, Шымкент қалаларынан сайланған делегаттар толық құрамда қатысады. Олардың қатарында Саяси кеңес мүшелері, Парламент Мәжілісіндегі фракция депутаттары, мемлекеттік орган басшылары, қоғам белсенділері мен бастауыш партия ұйымдарының өкілдері бар.
Қазіргі уақытта «AMANAT» партиясының Орталық аппараты мен өңірлік филиалдары бірлесіп, Съезд қарсаңындағы кешенді дайындық жұмыстарын бастап кетті. Осы мақсатта жақын күндері барлық аймақтарда жергілікті конференциялар ұйымдастырылып, елордада өтетін басқосуға өкілдік ететін делегаттар тізімі нақтыланып, бекітілмек.
Кезекті XXVI Съездің күн тәртібінде партияның 2023-2027 жылдарға арналған «Халықпен бірге!» сайлауалды бағдарламасының орындалу барысы сараланбақ. Сондай-ақ, елімізде жүзеге асып жатқан «Қарызсыз қоғам», «Ауыл аманаты», «Жер аманаты» секілді республикалық деңгейдегі әлеуметтік-экономикалық жобалардың аралық нәтижелері мен алдағы стратегиялық міндеттер айқындалады деп күтілуде.
Бұдан бөлек, жиын барысында партияның орталық басқару органдары мен Саяси кеңес құрамына ротациялық негізде тиісті өзгерістер енгізіледі. «AMANAT» партиясы елдегі реформаларды қолдау мен халық пен билік арасындағы ашық диалог алаңын қалыптастыруда басты саяси күш ретіндегі жұмысын ширата түспек.
