ADYM.KZ / Шымкентте жастардың қауіпсіздік мәдениетін қалыптастыру, төтенше жағдайлардың алдын алу және түрлі қауіп-қатер туындаған жағдайда дұрыс әрекет ету дағдыларын арттыру мақсатында ақпараттық-түсіндіру жұмыстары жүргізілді.
Іс-шараны Жастар саясаты басқармасының «Жастар ресурстық орталығы» КММ Әл-Фараби ауданының Төтенше жағдайлар басқармасымен бірлесіп ұйымдастырды.
Кездесудің басты мақсаты – жастар мен тұрғындардың күнделікті өмірде кездесуі мүмкін қауіптердің алдын алу, қауіпсіздік талаптарын сақтаудың маңызын түсіндіру және төтенше жағдай кезінде дұрыс әрі жедел әрекет ету дағдыларын қалыптастыру.
Кездесу барысында мамандар өрт қауіпсіздігі талаптарын сақтау, тұрмыста электр және газ құралдарын дұрыс пайдалану, өрттің алдын алу және қауіпті жағдай туындаған кезде қандай әрекет жасау керектігі жөнінде жан-жақты ақпарат берді.
Қатысушыларға төтенше жағдай кезінде сабыр сақтап, ең алдымен қауіпсіз жерге шығу, айналадағы адамдарға ескерту және тиісті жедел қызметтерге уақытылы хабарласу қажеттігі түсіндірілді.
Мамандардың айтуынша, көптеген төтенше жағдайлардың алдын алуға қарапайым қауіпсіздік талаптарын сақтау арқылы болады. Сондықтан әр азаматтың, әсіресе жастардың, қауіпсіздік мәселесіне жауапкершілікпен қарауы маңызды.
Іс-шара барысында судағы қауіпсіздік мәселесі де назардан тыс қалмады. Жастарға арнайы жабдықталмаған және рұқсат етілмеген орындарда суға түспеу, қауіпсіздік белгілері мен ескертулерді сақтау, сондай-ақ қауіпті жағдай туындағанда дұрыс әрекет ету қажеттігі айтылды.
Жастар арасында белсенді демалыс түрлері кең тарағандықтан, су айдындарында, қоғамдық орындарда және табиғат аясында қауіпсіздік талаптарын сақтау өзекті мәселе болып отыр.
Осыған байланысты мамандар жастарды өз өмірі мен денсаулығына ғана емес, айналасындағылардың қауіпсіздігіне де жауапкершілікпен қарауға шақырды.
Қауіпсіздік ережелерін сақтау жастардың құқықтық және азаматтық мәдениетімен де тығыз байланысты. Заң талаптарын құрметтеу, қоғамдық тәртіпті сақтау, қауіптің алдын алу және төтенше жағдайда жауапты әрекет ету – саналы азаматтың маңызды қасиеттерінің бірі.
Жастардың қауіпсіздік талаптарын жастайынан меңгеруі түрлі оқыс оқиғалар мен келеңсіз жағдайлардың алдын алуға ықпал етеді. Сондықтан профилактикалық және ақпараттық-түсіндіру жұмыстары жастар арасында қауіпсіз мінез-құлық дағдыларын қалыптастыруда маңызды рөл атқарады.
Кездесу барысында қатысушылар өздерін қызықтырған сұрақтарын қойып, төтенше жағдайлардың алдын алу және қауіп төнген кезде жасалуы тиіс алғашқы әрекеттер бойынша мамандардан кеңес алды.
Ұйымдастырушылардың айтуынша, мұндай бірлескен іс-шаралар жастардың қауіпсіздік мәдениетін арттыруға, олардың жауапкершілік сезімін қалыптастыруға және қоғамдағы қауіпсіз ортаны нығайтуға бағытталған.
Қауіпсіздік ережелерін сақтау – әр азаматтың ортақ міндеті. Өз өмірің мен жақындарыңның қауіпсіздігіне жауапкершілікпен қарау, қауіптің алдын алу және төтенше жағдайда дұрыс әрекет ету – қауіпсіз қоғам қалыптастырудың басты шарттарының бірі.
