ADYM.KZ / Жасанды интеллект саласында жаңа кезең – агенттік жасанды интеллект (Agentic AI) және мульти-агенттік жүйелердің кең таралуы басталды.
Бұған дейін Artificial Intelligence негізіндегі жүйелер, соның ішінде ChatGPT немесе Gemini секілді модельдер негізінен сұрақтарға жауап беру, мәтін және бейне/сурет генерациялау сияқты генеративті функциялармен шектеліп келген еді. Қазіргі кезеңде басты тренд – күрделі тапсырмаларды автономды орындай алатын ЖИ агенттерін енгізу.
Мамандар бұл үрдісті «агенттік экономика» деп атап отыр. Оның ерекшелігі – жасанды интеллект агенттері адамның тікелей қатысуынсыз тапсырмаларды жоспарлап, шешім қабылдап және орындай алады.
Мульти-агенттік жүйелерде бірнеше ЖИ бір команда ретінде жұмыс істейді. Олар міндеттерді өзара бөлісіп, логистиканы оңтайландыру, жеткізу тізбегін басқару, клиенттерге қызмет көрсету сияқты күрделі процестерді автоматты түрде атқарады.
Сарапшылардың пікірінше, мұндай технологиялар бизнес процестерін тәулік бойы (24/7) үздіксіз басқаруға мүмкіндік беріп, өндіріс пен қызмет көрсету салаларында толық автоматтандыруға жол ашуда.
