Онлайн-жәрмеңкелер барысында жұмыс берушілерге өздеріне қажетті мамандарды онлайн форматта табуға мүмкіндік беріледі. Әрбір жұмыс іздеп жүрген адам өзінің түйіндемесін жұмыс берушіге жіберіп қана қоймай, сонымен қатар онлайн-чат арқылы HR мамандарымен мәселелерді талқылап, бейне сұхбат арқылы сұхбаттаса алады.
Жәрмеңкеге қатысу үшін жұмыс берушілер де, ізденушілер де Tanda.enbek.kz порталында тіркеуден өтуі қажет.
Онлайн-жәрмеңкелер Қазақстанның барлық өңірлерінде өтеді. Толық ақпарат пен жәрмеңкелерді өткізу кестесі Tanda.enbek.kz порталында жарияланған.
Осы уақытқа дейін Tanda.enbek.kz-те әртүрлі қызмет салалары үшін де, жекелеген өңірлер үшін де бірқатар онлайн-жәрмеңкелер өткізіліп, оған жалпы 110 жұмыс беруші мен 3 мыңнан астам ізденуші қатысты. Онлайн-жәрмеңкеге белсенді қатысуға шақырамыз!
Enbek.kz электрондық еңбек биржасы алаңында тау-кен өндіру және өңдеу өнеркәсібі кәсіпорындарының бос жұмыс орындарының республикалық онлайн- жәрмеңкесі өтеді.
Еңбек және халықты әлеуметтік қорғау министрлігінің баспасөз қызметі хабарлағандай, 29 наурызда өтетін жәрмеңкеге еліміздің түрлі өңірінен «Алматы ауыр машина жасау зауыты» АҚ, «KSP Steel» ЖШС, «Ремстройтехника» АҚ, «KAZ Minerals Aktogay» ЖШС және басқа да 15 ірі жұмыс беруші қатысады.
Жәрмеңкеде әртүрлі мамандық бойынша 350-ге жуық бос жұмыс орны ұсынылады.
Жәрмеңке барысында жұмыс берушілер өз компанияларының онлайн-таныстырылымын өткізеді, қолда бар бос жұмыс орындарын ұсынады және ең қолайлы кандидаттардың жеке базасын қалыптастырады. Өтініш берушілер өз кезегінде ұйымдардың HR-менеджерлерімен сөйлесе алады, әңгімелесуден өтіп, оларға қызықтырған сұрақтарын қоя алады.
«Іс-шараға қатысу үшін ЭЕБ порталындағы Tanda.Enbek арнайы бөліміне кіру керек, онда жұмыс іздеушілер жұмыс берушілер туралы қысқаша ақпаратпен танысып, қолжетімді бос жұмыс орындарын қарап, оларға жауап бере алады», — делінген хабарламада.
Өтініш берушілер қатысу үшін порталдың жеке кабинетін ашуы немесе оған кіруі және тіркелуі қажет. Жәрмеңке басталар алдында аталған электрондық поштаға шақыру хаты жіберіледі.
Tanda.Enbek.kz порталында өткен онлайн бос орындар жәрмеңкесі барысында 540 адам бос жұмыс орындарына орналасу мақсатында жұмыс берушілерге түйіндемелерін жолдады. Іс-шараға барлығы 3,7 мыңнан астам жұмыс іздеуші қатысты, деп хабарлайды Адым кз ақпараттық сайты ҚР ЕХӘҚМ баспасөз қызметіне сілтеме жасай отырып.
Биыл 29 наурызда Tanda.Enbek.kz порталында тау-кен өндіру және өңдеу өнеркәсібі кәсіпорындарының бос жұмыс орындарының онлайн-жәрмеңкесі өтті, оның барысында 22 ірі қазақстандық ұйым Астана, Алматы, Павлодар, Саран қалаларында, Алматы облысының Іле ауданында, Абай облысының Аягөз ауданында және басқа да өңірлерден 50-ден астам кәсіп бойынша 700-ге жуық бос жұмыс орындарын ұсынды.
Қатысқан жұмыс берушілердің қатарында Еуразиялық топқа (ERG) және Polymetal тобына кіретін кәсіпорындар, «Самұрық-Қазына» АҚ, «KAZ Minerals Bozshakol» ЖШС, «Қазэнергокабель» АҚ, «Qazaq Glass Company» ЖШС, «МехЛитКом» ЖШС, «Зенит» Орал зауыты» АҚ, С. М. Киров атындағы «Машина жасау зауыты» АҚ және басқалар болды.
Бұл ретте бос жұмыс орындарының көпшілігі слесарь, электр газбен дәнекерлеуші, инженер-реттеуші, қалыптаушы, токарь, инженер-технолог және т. б. сияқты техникалық мамандықтарға жатқызылды.
Іс-шара барысында «Kazcentrelectroprovod» ЖШС, «Локомотив құрастыру зауыты» АҚ және «QazTehna» ЖШС кәсіпорындарының HR-менеджерлері өз компанияларының онлайн-презентацияларын өткізді, жұмыс жағдайлары, ашық бос жұмыс орындары, жұмысқа орналасу ерекшеліктері және тағы басқалар туралы айтты.
Сонымен қатар Samruk Business Academy кадрларды іріктеу саласындағы сарапшылар «Сынақ мерзімін қалай сәтті өтуге болады» және «Жұмысқа басқа үміткерлерден қалай ерекшеленуге болады» тақырыбында вебинарлар өткізді, оның барысында спикерлер қатысушылармен пайдалы кеңестермен бөлісті және тиімді жұмыс іздеу бойынша практикалық ұсыныстар берді.
Мұның бәрі онлайн режимінде ҚР Еңбек және халықты әлеуметтік қорғау министрлігінің Youtube-арнасында көрсетілді.
Жалпы, жұмыс іздеушілер жәрмеңкеге қатысқан барлық кәсіпорындардың HR-менеджерлерімен сөйлесуге, Tanda.Enbek.kz порталындағы жеке кабинетте онлайн-чат арқылы жұмыс шарттары мен бос жұмыс орындары бойынша сұрақтар қоюға мүмкіндік алды.
Бұл платформада әр түрлі тақырыптағы және мақсатты топтары бар бос жұмыс орындарының онлайн-жәрмеңкелерін үнемі өткізу жоспарлануда. Олар жастар үшін, белгілі бір салалардың мамандары үшін, елдің белгілі бір аймағы үшін және т. б. Бос жұмыс орындарының онлайн-жәрмеңкелерін өткізу туралы барлық ақпарат Tanda.Enbek.kz порталында орналастырылатын болады.
